Comentario 2º ESO

GAME OVER

Si.

Esa foi a túa curva derradeira.

Tranquilo. Non te asustes.

Xa non tes nada que temer.

Non fagas por moverte.Non podes.

Punto final.

Game over.

Mira.

Aquel é o teu corpo deitado na cuneta.

A escena tivo sangue.

Tivo berros.

Tivo néboa.

Tamén dor.

Mírate un chisco máis tarde.

Ambulancia.

Urxencias.

Asfixia.

Unha mesa de quirófano.

Un anaco inerte de carne.

Non, xa non che é posible falar.

Non tes boca.Nin aire nos pulmóns.

Neste lugar o oxíxeno é un luxo innecesario.

Neste lugar xa non precisas nada en absoluto.

Nin moito menos a ninguén.

Mira.

Teu pai a petar co puño nos azulexos brancos.

Inútil.

Túa nai cos ollos desenfocados pola sombra.

Inútil.

(...)

Mira un momento o que deixas atrás.

Aquilo que nunca volve ao seu sitio.

Aquilo que se esvae e non deixa rastro.

Imaxes que podrecen como mazás con bicho.

Imaxes esmagadas como mosquitos contra o parabrisas.

Xa non.

Xa non bicos con lingua.

Nin mensaxes non mobil.

Nin partidos de fubito.

Nin cubatas cos colegas.

Nin derrapaxes pola grava.

Nin xogos na consola.

Nin tecno nos oídos.

Nin noites de sábado.

Nin outra madrugada.

Só unha néboa mesta é eterna.

(...)

Podes ver unha representación completa deste poema en: http://trafegandoronseis.blogspot.com.es/2015/06/game-over.html

1-Explícanos o significado deste poema,ten en conta que o protagonista de Makinaria é un adolescente enamorado dos coches, da música tecno e das festas.Quen fala? A quen se dirixe?Por que se titula Game Over?

2-Fíxate agora na forma:

-Os versos teñen a mesma medida ?

-Presentan rima?

-Busca algúns dos recursos poéticos que temos visto,paralelismos,anáforas,comparacións...

3-Que significa o verso:”Só unha néboa mesta e eterna”.

4-Cal é a actitude dos pais do protagonista? Por que é inútil?

5-Busca información e fainos un resumo da vida e da obra de Carlos Negro.