Ao torto

Nom gosto das palavras bonitas, nen das metáfotras preconcebidas
Deixa que a vida flua na tua caneta

FOR SALE (TERRA FRÍA, Miguel Mato)

FOR SALE

1

nacín nun noroeste

solitario e sombrío

vagamundo 

sobrevivo

na códea dunha terra fría

sen nome 

nen historia

os camiños que levan á casa

permanecen coutados

e nas liñas borradas dos mapas 

o serán conduce ao extravío

2

era este meu país

os días abertos na música 

de bronce e gaitas

nas festas de verán onde o amor

discursos políticos

conversas en vellos cafés que resistían

con furia de comanches a paleadora e a reconversión

sabemos con certeza que os soños non han chegar

ou intuímos outra marea negra

e desta vez será a fin

está a ser a fin

quixemos dicer

e os nosos fillos non fuxirán aos bosques

porque nada importa xa e todo resulta inútil

my friend,c´est fini

o derradeiro de nós

que feche a billa das madrugadas

pendure nas fiestras o cartel

e poña á venda o cerne do país.

Anacos de...

ADEUS

O adeus de hoxe

será ausencia

mañá.

CAMBIO,

azul

lapislázuli

negro

branco

azul

...

ESPIRAL.

CREACIÓN

O valeiro... encheuse.