Palabras

Unha das palabras máis empregadas neste blogue debe ser,incerteza.Tempos de incerteza,vida incerta,incerto futuro,as incertezas do mañá......A desesperación que nos invade.Medorentos , envoltos nas ameazas das "primas",dos ERES e dos despidos que sempre están aí agardando por nós.Recordatorios continuos para non esquecermos quen manda .
Mais,agardan por min as obras de Cordal e de Begoña Caamaño e nelas ha de haber palabras de futuro azul, aberto,cheirando a mar.Atlántico e fero.

Como queren saír da crise?

Non hai maneira por máis que todos os premios nobeis de economía afirmen o contrario os nosos gobernantes están empeñados en saír da crise a base de recortes.Entón, se nos recortan os soldos, quen vai mercar os produtos para estimular o consumo??

con seso e sen siso.

Hai uns días comentei  no blogue dun amigo."nin subimos nin baixamos e aquí pasou o que pasou ", nada orixinal mais é unha verdade como un mundo. Que carallo nos pasa??? Morreremos a defensiva mirándonos o embigo cheo de merda: HAI QUE OPERALO!!!!

Reserva

Eu creo que a mellor solución que pode aportar o  "noso amamantisimo presidente" á cuestión do galego é : a creación dunha reserva onde se poidan internar todas e todos estes desagradecidos que non son capaces de entender o que este goberno fai por eles.

Pan Negre

Hai tempo que non escribo nada nesta bitácora da miña vida mais, onte fun ver unha película que me impresionou: Pan Negre. Había tempo que non gozaba tanto un filme: Unha historia que chega ao fondo e uns actores e actrices, pouco coñecidas, que dan toda unha lección de interpretación e credibilidade.Para min tan só un pero : A imposibilidade de vela en versión orixinal, aínda que non é ningunha novidade, dado que vivimos nunha cidade badoca e de badocos e os pobriños son incapaces de entender cousa que non sexa en castelhano. Meus anxiños!!!!!

Nadal en retirada.

Hai tempo que no escribo,non teño ánimos. As esquerdas están en retirada e xa non sabemos se son esquerdas,dereitas ou que carallo son.Mariano vai chegar ao goberno co camiño limpo porque os axustes, os recortes e as demais fodas que o sistema (os de sempre)dona graciosamente aos menos favorecidos,facéndolles pagar unha crise que non era deles, XA LLAS FAI ZAPATERO.A que carallo xogamos?
OUTRO MUNDO É POSÍBEL E OUTRA POLÍTICA TAMÉN.HAI QUE REINVENTARSE OU XA ESQUECEMOS QUE UNHA DAS CARACTERÍSTICAS DA ESQUERDA É A AUTOCRÍTICA CONSTANTE.
BÓ NADAL.

Futbol e crise.

Non pode ser que un país enteiro se paralice por un partido de fútbol e que logo non estean vendendo a acotío o preocupados que temos que estar coa crise.Hoxe non importa a crise. Paísssssss.

BURIED

Tiña moitos reparos con esta película mais, hei de recoñecer que me sorprendeu agradabelmente. Cuns elementos mínimos o director é capaz de denunciar a actitude hipócrita e inmoral dos invasores, as continuas inxustizas cometidas polos que se definen como abandeirados da liberdade.Unha guerra provocada polos intereses económicos duns poucos e que rematan pagando os de sempre. demagoxia, ao mellor,certezas todas.
Hai vítimas nos dous bandos, cantos máis pobres,máis vítimas e custa moito xulgar os métodos de quen se defende: Teñen dereito e dereitos.
Unha boa película, moi recomendábel.Un saúdo.

PD:
Parabéns para o Zippo.Un bo chisqueiro,capaz de funcionar toda a película sen botarlle gasolina.





.

Escreber por escreber

Levo tempo sen facer unha postaxe nova e tampouco teño gañas de facelo.Falto de palabras de meu boto das doutros e hoxe tampouco gosto delas.

Medo

Estamos en tempos de medo,onde as vellas pantasmas ouvean de todas partes. Fronte a isto volvamos á poesía:

Terra

Unha liña no horizonte

Lonxe

Auga turba

Remuíños ancorados

Nunha costa inútil

Na túa cara

Un niño de gaivotas carroñeriras

Da terra e do mar

Resignación.

Quero crer que hai moita xente de esquerdas disposta a facerlle fronte á resignación.Hai pouco unha folga xeral
puxo na rúa a milleiros de persoas a percura dun futuro para os seus fillos e hoxe,militantes do PSOE ,plántanlle cara á dirección e apostan polo candidato máis de esquerdas.Ao mellor aínda non todo está perdido.Saúdos.